CAGAYAN DE ORO CITY-Gisuta karon sa kapolisan ang motibo sa kamatayon sa opisyal sa Kahugpungan sa mga Mag-uuma sa Bukidnon o Kasama-Bukidnon sa lungsod sa Quezon,Bukidnon.
Kini human pusila sa wala matino nga kalibre nga armas si Kasama Quezon chapter Sec Gen Aniceto Lopez Jr sa maong lugar.
Gibutyag ni Quezon Police Station commander C/Insp John Rey Barazan nga posibleng nagkabikil si Lopez ug ang suspek nga si Ernesto Balopenios kinsa giingong miembro sa Philippine Marines nga nakabase sa maong lugar.
Una nang giakusar ni Kasama-Bukidnon chapter Sec Gen Jose Benemerito nga nagdumot ang suspek kang Lopez tungod sa pipila ka isyung katilingbanon hinungdan sa maong kremin.
Apan miingon si Barazan nga posibleng ang pagkahubog sa duruha ang tinubdan sa ilang lalis ug mi-resulta sa pagpamusil sa miaging adlaw.
