CAGAYAN DE ORO CITY-Idangop sa pamilyang Camajalan sa Public Attorney’s Office ug Commission on Human Rights o CHR ang gidangatang kamatayon sa 16 anyos nga sacristan sa Sitio Cala-Cala,Brgy Cogon,Balingasag,Misamis Oriental.
Kini human dili kumbinsido si Aida Camajalan sa pahayag sa kapolisan nga ang wanted person nga si Baldomiro Pajo ang nakapusil sa iyang nga si Nico sa maong lugar sa miaging adlaw.
Miingon si Camajalan nga dili sila mosibog sa pagpangita’g hustisya alang sa biktima bisan nga may nanglugwa nga report nga gilambigit ang iyang anak sa pagpayuhot sa gidiling droga sa ilang lugar.
Samtang kasuhan gihapon sa kapolisan sa pagpatay si Baldomiro Pajo kinsa gitumbok nga maoy nakapusil kang Camajalan atol sa police operation ning lalawigan.
Miingon si Sr/Supt Rolando Destura,provincial director sa Misamis Oriental Provincial Police Office nga dili mahitabo nga ang ilang pulis ang nakapusil sa biktima tungod kay naila na nilang daan si Pajo.
Nanganti usab si Destura nga imbestigaran ang usa sa iyang mga pulis nga misulod sa balay diin nakit-ang patay si Camajalan.
Una usab niini,mismo ang kauban ni Camajalan nga si alyas Brandon ang nakasaksi nga usa ka pulis ang mipusil sa biktima ug dili si Pajo nga giingong walay dala nga armas atol sa pagsikop sa kapolisan kaniya.
