CAGAYAN DE ORO CITY-Gihulatan sa lokal nga kagamhanan ang resulta sa random drug testing nga gihimo alang sa mga kawani sa City Hall.
Matud ni City Administrator Teddy Sabugaa nga ilang gihulatan ang resulta aron ma-disiplina ang mga nagpositibo sa paggamit sa illegal drugs.
Siya miingon nga ilang ipaubos sa rehabilitasyon ang mga kawani nga mag-positibo samtang tanggalon sa pwesto ang mga kawani nga mapamatud-an nga gapamaligya na sa ilegal nga droga.
