CAGAYAN DE ORO CITY-Kasuhan sa NBI-10 ang suspek nga ilang nasikop sa pagtanom sa suspected marijuana sa Brgy Luhinab,Iligan City kagahapong adlawa.
Giila ni NBI regional director Hans Barbaso ang dinakpa nga si Jayson Ermac,25 anyos,ulitawo ug nagpuyo sa maong lugar.
Miingon si Barbaso nga unang miabot kanila ang taho nga anaa sa duha ka ektaryang plantasyon sa marijuana ang gidumala sa suspek.
Apan paghidangat nila sa lugar anaa na lamang sa unom ka punuan ang narekober sa raiding team.
Nangayo pa’g back-up gikan sa PDEA,PNP ug AFP ang NBI sa pagsiguro nga dili mabutang sa peligro ang ilang operasyon.
Non-bailable case ang atubangong kaso ni Ermac tungod sa nahimo niini nga kremin.
