CAGAYAN DE ORO CITY-Giawhag karon ni Regional Peace and Order Council ug City Mayor Oscar Moreno ang tanang public officials nga maglikay nga maghatag suporta sa kalihukan sa CPP-NPA.
Kini aron dili masaypan sa militar ug kapolisan nga nagpaluyo sa mga kalihukan niini nga ikaguba sa kahusay’g kalinaw sa rehiyon.
Gihimo ni Moreno ang pahayag tungod sa gitakdang pagduso sa 4th ID, Philippine Army sa listahan sa mga elected official nga naghatag suporta sa CPP-NPA nga naglihok sa rural ug urban areas.
Nasayran nga nagsulti ang militar nga ubay-ubay ang mga elected official nga nagpaluyo sa kalihukang insurhensiya sa Northern Mindanao ug Caraga Regions.
