CAGAYAN DE ORO CITY-Mopatuman sa hugot nga seguridad ang militar ug kapolisan batok sa mga posibleng pagpanghasi sa giila ni Pres Rodrigo Duterte nga mga teroristang grupong CPP-NPA sa mga rehiyon sa Caraga ug Northern Mindanao regions.
Kini ilabina nga natunong ang pagtamod sa ‘Maunday Thursday’ o Huwebes Santo sa mismong ika-49 ka tuig anibersary sa NPA.
Miingon si 1Lt Tere Ingente,tigpamaba sa 4th ID,Philippine Army nga walay giila nga pagbalaan ang mga komunista hinungdan nga gilauman nila nga adunay mahitabong pag-atake batok sa gobierno sunod semana.
Gibutyag ni Ingente nga igo ang pwersa sa 4ID ug PNP nga batokan ang mga pagpanghasi nga himoon sa mga rebelde.
