CAGAYAN DE ORO CITY-Ipatuman na ang liquor ban ordinance sulod sa bisinidad sa bukid sa Malasag diha sa Brgy Cugman ning syudad epektibo sa Lunes Santo sa sunod semana.
Miingon si Cugman Brgy Kag Boyet Romo nga tuyo niini nga pugngan ang bisan unsa nga kremin nga ang hinungdan gumikan sa ilimong makahubog.
Nanganti ang brgy council nga kuyog sa kapolisan,sikopon nila kadtong mga residente o mga negosyante nga mosupak sa liquor ban ordinance sa syudad.
Gihagit usab ni Romo ang mga deboto nga tahuron ang pagbalaan sa lugar ilabina nga libuang katawhan ang tinuig modagsa bukid sa Malasag.
Samtang anaa na sa 90 porsiento ang kaandam sa tulo ka barangay nga mohatag seguridad sa laing libuang mga deboto nga motabok sa siyam ka suba padulong sa Our Lady of Guadalupe sa Brgy Tablon sa syudad.
Kini human nahatag na ang tagsa-tagsa ka tahas alang sa mga opisyal sa Brgy Tablon,Brgy Agusan ug Brgy Balubal alayon sa semana santa sa maong religious site.
Miingon si Tablon Brgy Kag Angel Pomar nga mas gi-doble pa sa mga otoridad ang ipatuman nga seguridad aron dili madisturbo ang mga deboto nga mosaka sa kapilya sa Guadalupe.
Gihagit usab ni Pormar ang mga deboto ilabina sa kababayen-an nga dili palabian ang kamugbo sa sul-ubon nga mga sapot aron dili maka-disturbo sa ubang mga tawo nga mohimo’g ‘station of the cross’ sa lugar.
Samtang ilusad sa laing higayon ang pinasahi ang pagdumdom sa katawhan sa pasyon ni Hesu-Kristo sa Medina,Misamis Oriental ning tuiga.
Kini human gibutyag ni Medina MDRRMO officer Raul Soriano nga andam na usab ang pagpasundayag nila sa ‘HINUKLOG’ live show sa sunod semana.
Miingon is Soriano nga inay mubisita ang mga turista sa eco-tourist sitesmusa ka “live-show” ang ilang idalit sa mga deboto sa sa adlaw’ng Huwebes ug Biyernes Santo.
Pagpasabot ni Soriano nga andam na ang ilang mga aktor ug aktres aron buhion ang kasakit ug pag-sakripisko ni Hesus padulong sa bukid sa kalbaryo.
Una niini,gipaniguro sa mga otoridad ang sinto-porsiento nga luwas ang pagbisita sa mga turista alayon sa pag-obserbar sa semana santa sa maong lungsod.
