CAGAYAN DE ORO CITY-Kritikal ang kahimtang sa magtiayon nga gipangtigbas sa sulod sa ilang pinuy-anan diha sa Brgy Katipunan,Villanueva, Misamis Oriental kagabii.
Giila ni Villanueva Police Station commander Sr/Insp Rodney Gaid ang magtiayong nga si Benedicto ug Vina Fajardo,hingkod ang panuigon ug nagpuyo sa maong lungsod.
Kamulo nga nanglantaw sa telebisyon ang mga biktima dihang gisulod sa mga suspek nga naka-bonet ug gilayong tigbas ngadto kanila.
Nakaangkon sa nagkadaiyang samad tinigbisan ang mga biktima hinungdang kritikal nadala sa Northern Mindanao Medical Center kagabii.
Gisuta pa ang motibo sa maong kremin.
Sa mga semana,gipang-patay usab ang duha ka paresan sa magtiayon sa lungsod sa Jasaan ug Medina ning lalawigan diin wala pa masikop ang mga suspetsado.
