CAGAYAN DE ORO CITY-Gitawag nga ‘fake news’ sa Cagayan de Oro Water District o COWD ang nagkatag nga e-take over sa Metro Pacific Water Consortium Incorporated o MWCI ang pagdumala sa panubig sa syudad.
Kini human unang gibulgar ni kanhi COWD General Manager Engr Rachel Beja nga may proposal ang MetroPac nga moapil sa water operation sa syudad sa mosunod nga katuigan.
Miiingon si COWD board of directors chairman Eduardo Montalvan nga walay basehan ang gisulti ni Beja atubangan sa konseho kay dili kini tinood.
Una niini,mismo si Kag Bong Lao,chairman sa komite sa public utilities sa konseho ang nagkompirmar nga mismo si Beja ang nagsulti kanila kabahin sa maong tinguha sukwahi sa gipamugos ni Montalvan nga ‘fake news’ ang maong isyu.
Samtang nangugat si Beja nga tinood ug may basehan ang iyang gisulti nga intresado idumala sa MetroPac ang water distribution ug operation sa panubig sa syudad.
Kini sukwahi sa gipamugos ni Montalvan nga bakak ang gipanulti ni Beja atubangan sa mga konsehal sa syudad.
Gani,mismo ang board of directors ang naghatag pagtugot aron maka-presentar ang MetroPac sa ikaduhang ‘unsolicited proposal’ aron idumala ang COWD operations pag-abot sa katuigan.
