CAGAYAN DE ORO CITY-Babagan sa mga asosasyon sa taxi operators ang pagsulod sa Grab Taxi gamit ang mga un-marked vehicle sa syudad.
Sumala ni Association of United Taxi Operators in CdeO President Fernando Clemenia nga mawad-a’g panginabuhian ang taxi operators ug drayber tungod sa pagsulod sa mga un-marked vehicle.
Siya miingon nga dili pa kinahanglanon sa syudad ang dugang ihap sa mga sakyanan tungod kay dili pa kaayo daghan ang commuters.
Apan walay nakit-ang dautan si City Councilor Eric Salcedo sa pagsulod sa Grab Taxi sa syudad.
Matud ni Salcedo nga kinahanglang paminawon usab nila ang tingog sa commuters ug dili lang sa taxi operators.
Gani, gihangyo niini ang mga personahe sa Road and Traffic Administrator nga mohimo’g survey kon angayang pasudla’g Grab Taxi ang Cagayan de Oro.
Samtang nagtoo si Clemenia nga gigamit sa Grab mobile application ang mga taxi dinhi sa syudad.
Matud niya nga misulod ang Grab sa syudad aron mohimo’g dry run kung suportahan ba kini sa mga commuters.
Apan tungod kay gisagop kini sa mga sumasakay, nahukman nila nga magpadagan og mga un-marked vehicle.
