PC: MisOr’s PIO
CAGAYAN D E ORO CITY-Patay tungod sa atake sa kasingkasing si incumbent Jasaan Mayor Gregorio Jonathan Po samtang mibisita sa syudad.
Kini ang gikompirmar sa amahan niini nga si kanhi Jasaan Mayor BonJuan Po kinsa iyang gikasabot nga pakigkitaan unta dinhi sa syudad kagahapong adlawa.
Miingon kanhi Mayor Bonjuan nga daan nang naghambin sa diabetes ug sakit sa atay ang iyang anak hinungdan nga posibleng na-trigger kini tungod sa sobrang kahago sa trabaho.
Nasayran nga mismo pa si Po ang nag-maneho sa gisakyang sakyanan aron makaabot sa ospital aron magpatabang sa mga doktor.
Una niini,gikasubo usab ni Gov Bambi Emano ang kamatayon ni Po bisan nga dili sila managsama sa partido sa politika.
Samtang gikasubo sa katawhan ang kalit nga kamatayon ni Po dihang na heart attack samtang gikan sa meeting sa syudad.
Kini human mismo si Mayor Po ang nagdala sa iyang kaugalingon aron mahatagan sa medikasyon sa Madonna Child Hospital kagahapon sa hapon.
Miingon si Jasaan Municipal Councilor Vickay Edus nga nakurat sila ilabina nga bag-uhay pa nila gikauban si Po sa kasaulugan sa International Women’s Day sa ilang lungsod sa miaging semana.
Nasayran nga mismo si Jasaan Police Station commander C/Insp Rogelio Labor ang nagkompirma sa kamatayon ni Po diin sila naglusad sa imbestigasyon kon kinsa ang tawo nga ulahi gikauban niini kagahapong adlawa.
