CAGAYAN DE ORO CITY- Giisa na sa blue alert sa PDRRMO ang gipatuman nga seguridad sa mga duha ka syudad ug 23 ka lungsod sa Misamis Oriental.
Kini alayon sa pagbalaan sa mga mahal nga adlaw diin anaa sa unom ka religious sites ang gihataga’g prioridad sa mga otoridad.
Miingon si PDRRM head Fernando Dy Jr nga anaa sila sa hugot nga koordinasyon sa kapolisan ug militar aron masiguro ang seguridad sa mga deboto nga mamalanding sa semana santa.
Una usab niini,gikompirmar ni CDRRMD head Allan Porcadilla nga panguluhan ni City Mayor Oscar Moreno ang usa ka panagtigom ning adlawa ayha pormal i-aktibo ang incident management o IMT ning syudad.
Samtang nagpalugwa’g abiso ang Camiguin Provincial Disaster Risk Reduction and Management Office sa mga gusto mobisita aron mulusad sa panaad ning semanaha.
Gibutyag ni Camiguin PDRRMO head Jejomar Bollozos nga giisa usab nila ang blue alert status ning panahona.Kini nagpasabot nga 100% ang ilang lugar sa pagdawat sa mga turista.
Dugang ni Bollozos nga dili sama sa naandan,magkinahanglan na sila’g ID isip requirement sa pagsulod sa isla ning tuiga.
Nasayran nga daghang mga turista ang kadagsa aron mohimo’g tinuig nga panaad ug dala paniid sa maong lugar.
