CAGAYAN DE ORO CITY-Anaa na sa kustodiya sa Initao Municipal Police Station ang ten-wheeler truck nga nakabangga sa usa ka bus hinungdan nga nahulog sa pangpang sa Initao, Misamis Oriental.
Matud ni Initao Police Station commander Insp Mohammad Arthur Sakiran nga walo sa 12 ka pasahero sa non-aircon Rural Transit Mindanao Incorporated o RTMI bus 1630 ang nadala sa ospital kinsa gimaneho sa drayber nga si Erick Cartejas.
Miggawas sa imbestigasyon sa mga pulis nga sayop sa ten-wheeler trak nga gimaneho ni Serpino Al Balingway human iyang gibanggaan ang bus samtang pahunong sa lugar.
Hisayran nga pulos padulong ning syudad ang duha ka sakyanan sa dihang naaksidente.
