CAGAYAN DE ORO CITY-Kasuhan sa pagbaligya’g gidiling droga ang aktibong brgy kapitan nga nasikop sa kapolisan sa Brgy Pontacon,Initao,Misamis Oriental.
Kini human unang gisilbi sa kapolisan ang search warrant sa korte hinungdan nasikop si Pontacon Brgy Kap Francis Ian Tupag mismo sa pinuy-anan niini kagahapon sa kadlawon.
Miingon si Initao Police Station commander Insp Mohammad Arthur Sakiran nga nakuhaa’g upat ka sachets sa gitoohang shabu si Tupag atol sa pagkasikop niini.
Si Tupag nga gikonsiderar nga high value target ang nagsilbi usab nga Tokhang surrenderee ang pulos anaa sa listahan sa PNP ug PDEA-10 ning lalawigan.
