CAGAYAN DE ORO CITY-Gihangyo sa kagamhanang lokal ang langkob sa CPP-NPA nga dili hasi-on ang mga relihiyosong kalihukan sa Misamis Oriental.
Gihimo ni PDRRMO head Fernando Dy Jr ang apelar alayon sa ika-49 ka tuig nga anibesaryo sa New People’s Army o NPA nga natumong sa Huwebes Santo.
Nasayran nga aktibo ang presensiya sa NPA rebels sa lalawigan diin unom ka lugar nga may dagkong kalihukan nga gibantayan sa militar ug kapolisan ning semanaha.
Dumduman nga naghiusa ang militar ug kapolisan paghatag seguridad aron dili makapanghasi ang mga rebelde ilabina nga may natigayon nga engkuwentro sa lungsod sa Aloran,Misamis Occidental sa miaging semana.
