PC:C/Insp Evan Viñas
CAGAYAN DE ORO CITY-Managsama nga walay mga dagkong dugu-ong hitabo nga natala samtang midagsa ang libuang katawhan sa duha ka religious sites sa syudad sa miaging semana santa.
Gikompirmar ni Cugman Brgy Kapitan Engr Eric Pacheco nga bugtong mga kutsilyo ug ubang gidiling butang lamang ang nakompiskar sa mga otoridad gikan sa mga deboto nga misaka sa bukid sa Malasag sa naglabay’ng semana.
Nakaangkon usab sa ubos nga ihap sa deboto ang Malasag diin kapin 32-mil lamang ning tuiga gikan sa 55-mil ka tawo ang nagsaka sa miaging 2017.
Una niini,bugtong ang menor de edad lamang nga si Roel France nga taga-Brgy Patag ning syudad ang natala nga casualty samtang nagtabok sa usa sa mga suba padulong sa bukid sa Berhin sa Guadalupe ning syudad.
Miingon si Tablon Brgy Kap Romeo Bacarro nga anaa sa kapin 50-mil ka deboto ang ulahing ihap nga nagsaka sa Guadalupe diin mas taas itandi sa miaging tuig 2017.
