Station of Cross going to Sipaka Heights of Talisayan,MisOr
CAGAYAN DE ORO CITY-Gitratar sa city govt nga generally peaceful ang pagbalaan sa semana santa ning syudad sa miaging semana.
Kini human walay na-report ang kapolisan ug militar nga dugu-ong mga hitabo nga naka-disturbo sa relihiyosong kalihukan alayon sa semana santa.
Miingon si City Administrator Teddy Sabugaa nga bugtong gikadismaya nila ang pagka-hugawan sa pipila ka deboto diin gipangbilin lamang nila ang mga basura samtang mihimo’g panaad sa bukid sa Malasag sa Brgy Cugman sa syudad.
Halos moabot sa gatus-mil ka deboto ang nag-penetensiya sa Our Lady of Guadalupe ug Malasag ning syudad.
Samtang wala maka-apektar sa pag-obserbar sa mga relihiyosong kalihukan ang sunod-sunod nga engkuwentro tali sa militar ug rebeldeng New People’s Army sa utlanang bahin sa Misamis Oriental ug Bukidnon sa mismong semana santa.
Miingon si Gov Bambi Emano nga pagmatood niini nga wala matugaw ang mga pagpamalandong sa 136-mil ka deboto nga midagsa sa unom ka religious sites nga nagkatag sa lalawigan sa maong semana santa.
Apan,gikasubo gihapon sa gobernador kay mga pamilya nga apektado na sa maong engkuwentro sa nahisgutang lugar.
