CAGAYAN DE ORO CITY-Giawhag sa simbahang Katoliko pinaagi sa Catholic Bishops Conference of the Philippines o CBCP ang gobierno nga panalipdan ang dignidad ug tahuron ang tawhanong katungod sa katawhan sa nasud.
Kini kabahin sa upat ka punto nga gihataga’g prioridad sa hugpong sa Katolikong mga obispo nga puy-an unta sa katawhan alayon sa sumad sa pagkabanhaw gikan sa kamatayon ni Kristo-Hesus.
Miingon si Cagayan de Oro Archbishop Antonio Ledesma nga angay bantayan ang gihingusgan sa gobierno nga charter change nga dili magpasulabi ang interes sa pipila lamang aron makab-ot ang ikahiusa sa katawhan.
Hisayrang kabahin usab sa gitutukan sa CBCP ang pagkab-ot sa kahusay’g kalinaw alang sa katawhan sa Mindanao nga kanunay nahadla sa gubat tali sa militar batok mga armadong pundok.
