CAGAYAN DE ORO CITY-Gikompirmar ni City Election Officer Atty Ramil Acol nga duha ka petisyon nga nagtinguha pag-disqualify sa kandidato pagka-barangay kapitan sa Brgy ug Sangguniang Kabataan eleksiyon ang nakaduso sa iyang buhatan.
Si Acol miingon nga maoy iyang nadawatan ang petisyon batok Reyna Nacaya kinsa magpapili pagka-kapitan sa Nazareth ning syudad.
Kini tungod sa isyu sa residency ug kandidato pagka-kapitan nga taga Brgy Tagpangi tungod sa kaso nga giatubang niini sa Ombudsman.
Gitin-aw ni Acol nga ang Comelec Manila maoy mag-review sa petisyon ug wala siya’y kasayuran hangtud kanus-a kini madesisyonan.
