CAGAYAN DE ORO CITY-Gibatikos ni PDEA regional director Wilkins Villanueva si Brgy 23 Kapitan Jaime Frias III ning syudad.
Kini human unang gipadayag ni Frias nga nakurat siya kon nganong nasulod sa top 5 ang brgy nga dunay pinakadagha’g presensya sa shabu sa dakbayan.
Miingon si Villanueva angayang motabang na lamang si Frias sa anti-illegal drugs campaign sa PDEA ug PNP
kay sa paka-tinood wala siya’y gihimo aron masumpo ang problema sa iyang brgy sukad pa tuig 2015.
Samtang sagpa tungod sa ilang ”katanga” sa PDEA-10 hinungdang padayong naghitak ang gidiling droga diha sa Brgy 23 sa syudad.
Kini ang tubag ni Brgy 23 Kap Jaime Frias III sa batikos ni PDEA regional director Wilkins Villanueva batok kaniya.
Miingon si Frias nga angay masayod si Villanueva nga duha sa ilang PDEA agents ang walay nahimo nga mismo nagpuyo sa maong brgy.
Namugos si Frias III nga misubay sila proseso aron malimpyuhan ang ilang lugar batok sa shabu pushers ug users sa iyang brgy.
Sukwahi sa gihimo sa ilang konseho, nangita usab sila’g paagi aron marekomendar sa pagparehab ang mga adik ug pusher nga ilang napa-surender.
