Picture from Kag Jay Roa Pascual
CAGAYAN DE ORO CITY-Gitin-aw ni acting City Director Sr/Supt. Nelson Aganon nga walay lugar sa tibook dakbayan ang gipaubos nila sa areas of concern atol sa umaabot Brgy ug SK elections.
Siya miingon nga normal lamang nga adunay mga political rivalry nga gakahitabo matag-piliay apan maoy mahinungdanon kay walay kandidato ang gapatay o adunay mga bahad sa kinabuhi.
Gibutyag usab ni Aganon nga pabiling 10 ka tawo ang ilang nadakpan sa gun ban.
Sa 80 ka barangay sa syudad,may incumbent officials nga nagpasubli nga walay miatbang kanila sa piliay sa Mayo 14 ning tuiga.
Una niini,gipasalig nila ni retired army general ug karon CityΒ Councilor RomeoΒ Calizo ug Kagawad Jay Pascual nga kusganong nagsuporta usab sa panginahanglan sa kapolisan dinhi sa syudad.
