CAGAYAN DE ORO CITY-Kasuhan sa reckless imprudence resulting to multiple homicide and damage to properties ang drayber sa trailer truck nga nakaligis- patay sa usa ka beauty queen ug amahan niini sa Brgy Dalipuga, Iligan City.
Matud ni Iligan City Police Director Sr/Supt Leony Roy Ga nga ila nang gikasuhan ang driver nga si Matt Hantica, residente sa Brgy Puerto ning syudad.
Naligsan sa suspek ang biktima nga sila si Yvonne Fabria nga bag-o lang gikoronahan isip 3rd runner up sa Ms Lugait 2018 ug amahan niini nga si Alfredo Fabria, 50-anyos, pulos residente sa Lugait, Misamis Oriental.
Hisayran nga sakay sa motorsiklo ang mga biktima sa dihang nadigyas ang motor ug nahulog sila ug nalatayan sa trak.
Walay sul-ob nga helmet ang mga biktima hinungdan nga nalata ang ilang ulo human maagian sa ligid sa trak.
