CAGAYAN DE ORO CITY-Nasabtan hinungdang gisalikway na gitawag nga ‘hard core’ violet supporters nga brgy kapitanes ang liderato sa Padayon Pilipino sa dakong bahin ning syudad.
Kini ang pagpasabot ni City Mayor Oscar ‘Oca’ Moreno nga nagsaka ang ihap sa mga brgy kapitan nga miuban kaniya ug gitalikdan ang grupo ni kanhi City Mayor Vicente ‘Dongkoy’ Emano.
Gihimo ni Moreno ang katin-awan nunot sa paghurar ug pagpasakop sa ‘solid’ political ally ni Emano nga si Brgy 17 Chairman Goldmar Ebabacol kinsa napili subli sa miaging brgy ug SK elections sa syudad.
Samtang napugos lamang sa paghurar si Brgy 17 Chairman Goldmar Ebabacol atubangan ni City Mayor Oscar Moreno sa opisina niini sa syudad sa miaging semana.
Gibutyag ni kanhi City Mayor Vicente ‘Dongkoy’ Emano nga mihurar si Ebabacol kang Moreno aron pirmahan niini ang travel order padulong sa Amerika.
Giyam-iran usab ni Emano ang gisulti ni Moreno nga nabungkag ang grupo sa mga bayolet nga kapitanes nga solid-supporter sa Padayon Pilipino.
Si Emano ang makaduha gipildi ni Moreno sa miaging mga piliay ning syudad.
