CAGAYAN DE ORO CITY-Gikasuhan na sa kapolisan ang 72-anyos nga amahan nga miunay paglugos sa iyang duha ka mga menor-de-edad nga anak sa Barangay Consolacion ning syudad.
Kini human positibo nga gitudlo sa 9-anyos ug 8-anyos nga mga biktima nga ang ilang amahan kinsa maoy milugos kanila sulod sa makadaghang higayon.
Hisayran nga gipanghimakak sa suspek nga si Edward Cobi ang alegasyon ilabina nga wala nay kapas nga motindog pa ang iyang kinatawo.
Una nang gibutyag sa Barangay Health Worker nga si Marilyn Lincona nga nagsumbong sa iyang higala ang usa sa mga biktima sa gihimong pagpanamastas sa ilang amahan.
