CAGAYAN DE ORO CITY-Supak si City Police Dir Supt Nelson Aganon nga armasan ang mga punong barangay sa tibook syudad.
Siya miingon nga dili na kinahanglan nga magbitbit og armas ang mga opisyal ilabina nga miubos ang kriminalidad sa dakbayan tungod sa hugot nga kampaniya batok sa illegal nga droga.
Asoy pa niini nga mahimong armasan ang usa ka kapitan kun ugaling aduna siya’y bahad sa kinabuhi apan kinahanglan usab nga kompleto ang mga papeles niini.
Reaksyon kini ni Aganon nunot sa gibutyag ni Presidente Rodrigo Duterte nga armasan ang mga tanod sa kabarangayan aron makatabang sa anti-criminality campaign sa kagamahanan.
