CAGAYAN DE ORO CITY-Gipasigarbo ni City Mayor Oscar Moreno atol sa iyang City Mayors Annual Report ang 500 ka mga lawak saringan sa tibook syudad nga iyang natukod sulod sa iyang administrasyon.
Sya miingon nga atol usab sa iyang termino, duha ka mga balay-tambalanan nga nahimutang sa Barangay Lumbia ug Tablon ang iyang natukod aron dili maghoot ang mga pasyente sa Jr Borja City Hospital.
Nalipay usab si Moreno nga moabot na ang mga taxi sa mga hinterland barangay sa syudad tungod kay sementado na ang dalan.
Laraw pa sa alkalde nga dugang tunghaan pa ang iyang tukoron sa syudad.
