CAGAYAN DE ORO CITY-Tukuron sa kapolisan ang special investigation task group o SITG sa pagsulbad sa pagpusil kang Danao Barangay Chairman Alfredo Zapanta sa Jasaan,Misamis Oriental.
Kini human unang gikondinar ni Gov Bambi Emano ang linu-og nga pagpatay kang Zapanta samtang namahog ug mga baboy dihang gipusil-patay sa duha ka suspek kagahapon sa buntag.
Miingon si C/Insp Rogelio Labor,hepe sa Jasaan Police Station nga tuyo niini nga mapadali ang pagtumbok sa utok sa kremin.
Una na nang gikonsiderar sa PNP nga politika ang usa sa mga anggulo nga gitoohan kon nganong gipatay si Zapanta sa motorcyle in tandem suspects kagahapong adlawa.
Samtang mitanyag sa reward money sila si Gov Bambi Emano ug Mayor Jojo Pamisa aron mapadali ang kasulbaran sa kamatayon ni Danao Brgy Chairman Alfredo Zapanta sa Jasaan,Misamis Oriental.
Miingon si Labor nga mismo si Pamisa ang mitanyag sa kaugalingong 25-mil pesos aron ihatag sa mga tawo makatabang sa pagsulbad sa maong kremin.
Una niini,naglisod pa ang kapolisan sa pagtumbok sa utok sa kamatayon ni Zapanta sa maong lungsod.
