CAGAYAN DE ORO CITY – Saulugon sa mga igsoong Muslim ang Eid al-Fitr pinaagi sa pag-ampo sa kalinaw, panaghiusa ug kalambuan sulod sa mga moske ning adlawa.
Sumala ni National Commission on Muslim Filipinos o NCMF Sec Saidamen Balt Pangarungan nga mao usab kini ang adlaw nga ilang tabangan ang mga kabus pinaagi sa pagpa-ambit sa ilang mga grasya.
Namahayag si Pangarungan nga ang maong kasaulugan ang nagsilbi nga pagtak-op sa usa ka bulan nila nga pagtamod sa Holy Week of Ramadan diin sila nagpuasa,nangaliya ug naglikay sa daghang gimbuhaton aron malimpyohan ang ilang kaugalingon ug kasal-anan.
Mapasalamaton si Pangarungan nga gihataga’g pagtagad ni Pres Rodrigo Duterte ang kasaulugan sa Eid al-Fitr pinaagi sa pagdeklara niini isip holiday.
