CAGAYAN DE ORO CITY – Namugos si Task Force Bangon Marawi chairperson Sec Edgardo del Rosario nga walay kurapsyon nga gihimo ang Office of the Civil Defense o OCD sa pondo alang sa mga biktima nga apektado sa gubat sa Marawi City kapi’g duha ka tuig na ang nakalabay.
Siya miingon nga walay nausik sa minilyon nga donasyon nga alang sa mga biktima sa maong lugar.
Dugang niini nga nalangan ang paghatag ayuda sa mga biktima sa Marawi siege tungod sa kakulangon sa mga gikinahanglang mga dokumento.
Depensa ni Del Rosario nga dili basta-basta nga mohatag sila’g ayuda kon dili kompleto ang rekisitos aron dili makuwestiyon sa Commission on Audit.
Una nang nakurat ang COA kon nganong anaa lamang sa P10,000 ang nagasto sa OCD gikan sa dul-ag 37 milyones nga pondo nga giggahin alang sa mga biktima.
