CAGAYAN DE ORO CITY – Nagdala sa granada ang magtiayon nga misurrender sa 8IB Phil Army nga nakabase sa Impasug-ong Bukidnon, kagahapon.
Gibutyag ni 8IB CMO 1st Lt Kenneth Cabbigat nga girehistro na nila ang magti-ayong NPA member sa enhanced comprehensive local integration program kon ECLIP sa gobyerno.
Naila ang magtiayon nga sila Alyas Jomel ug Alyas Jelyn.
Si Alyas Jomel ang nagsilbing team leader sa mga rebelde samtang ang iyang kapikas nga si Alyas Jelyn ang miyembro sa ilang medical team ubos sa Northern Central Mindanao Regional Command sa CPP-NPA-NDF.
Una niini, gi-angkon no Cabbigat nga muabot sa 120 ang ihap sa mga surrenderees ubos sa ilang kampo.
