CAGAYAN DE ORO CITY – Nangita’g ebidensiya ang Armed Forces of the Philippines – Western Mindanao Command o WestMinCom sa mga pulitiko sa Sulu nga giingong supporters sa Abu Sayyaf Group o ASG.
Kini human gibulgar ni AFP WestMinCom Commander Lt. Gen. Cirilito E. Sobejana nga gimonitor na sa militar ang maong politicians.
Sa ekslusibong pakighinabi sa Bombo Radyo kang AFP Westmincom spokesperson Maj Arvin Encinas nga daghang anggulo ang ilang gilantaw nga magpamatood nga gahatag sa financial support sa mga Abu Sayyaf ang maong mga pulitiko.
Una nang giangkon sa Abu Sayyaf group nga sila ang responsable sa pagpamomba sa Indanan, Sulu nga gikamatay sa walo ka tawo.
