CAGAYAN DE ORO CITY – Nauyunan sa mayoriya sa konseho nga ipatuman una sa hingpit ang ordinansa o balaod nga nag-obligar sa mga negosyante nga mopasulod sa mga customer nga duna lama’y mga higala app qr code sa dakbayan.
Kini bisan kon miapelar ang mga negosyante nga wad-on ang business permit revocation kon mapakyas pagsunod niini.
Miingon si Kag Edgar Cabanlas nga angayang ipatuman una ang balaod ayha ang pag-amendar niini.
Una usab niini,gipalanog ni Kag George Goking,chairman sa komitiba sa trade and commerce ang pagbati sa mga negosyante kabahin sa daw grabe kabug-at nga balaod sa panahon sa pandemya sa syudad.
Samtang gitahasan ni City Vice Mayor Joaquin ‘Kikang’ Uy ang tulo ka komitiba nga subli lingkuran ang ordinansa nga nag-obligar mga negosyante nga magbaton sa scanners aron kuhaon ang qr codes sa mga tawo nga mosulod sa ilang mga balay-patigayon.
Kini sa oras nga hingpit na ang pagpatuman sa ordinansa kabahin niini.
Gibutyag ni Uy nga maoy gitasahan niini sila si Kag Malou Gaane,Kag Edna Dahino ug Kag George Goking kuyog ang mga negosyante aron makuha ang direktang kagustuhan nila sa implementasyon sa qr code.
Sa pikas bahin,gimanduan sa Archdiocese sa Cagayan de Oro ang mga simbahan sa syudad nga mosunod sa paggamit sa QR code.
Gibutyag ni Fr. Der John Faborada, Director sa Social Apostolate Archdiocese of Cagayan de Oro nga nasabtan nila nga may balaud niini sa syudad ug makatabang usab kini sa paspas nga contract tracing.
Matud ni Fr. Faborada nga gikalipay usab nila nga majority sa mga manimbahay ang nagbaton na sa ilang QR code.
