CAGAYAN DE ORO CITY – Kulang sa pagtoo si Citizens Watch for Good Governance o CWGG 10 convenor Atty Antonio Soriano nga adunay illegal sa pasadong 2025 national budget sa nasud.
Kini human unang gipabuto ni kanhi Pres Rodrigo Duterte nga adunay blank items nga nasukip sa maong nasudnong pondo nga alang kanila dakong illegal.
Miingon si Soriano nga imposible kining buhaton sa Marcos administration ilabina nga nagpalibot kanila ang daghang mga abogado aron likayan ang isyung legal.
Siya miingo nga angay gani pangsilutan ang mipakatag sa maong impormasyon kon pananglitan,dili kini tinood.
Samtang gibarugan usab sa alyado ni Duterte nga si Peter La Viña nga mism na sila ang nakakita sa maong mga dokumento ug gimatud-an sa ubay-ubay’ng mga magbabalaod.
Kini ang rason nga barugan nila ang ilang pagbulgar nga dili bunga fake news apan subay sa mga dokumento.
Hisayrang gitun-an sa grupo ang pagduso’g mga kaso batok kang Pres Bongbong Marcos ug sa mga alyado niini sa kongreso.
