CAGAYAN DE ORO CITY – Depensahan sa dinakpan ang iyang kaugalingon atubangan sa husgado batok sa pasangil nga namaligya kini’g illegal nga droga ning syudad.
Kini human nadakpan sa operasyon sa Regional Drug Enforcement Unit 10 sa Police Regional Office 10 nga suportado sa Philippine Drug Enforcement Agency ang 36 anyos nga si alyas Boy Eboy,ulitawo nga nagpuyo sa Brgy Bugo sa dakbayan kagahapong adlawa.
Namahayag si PDEA 10 regional director Atty. Benjamin Gaspi nga tungod sa lig-on nga kolobarasyon sa PNP ug sa ilang operatiba,napasayon ang pagsignit sa RDEU sa suspek diin nabawian sa gatos gramos nga gitoohang shabu nga nagkantidad 680-mil pesos.
Maoy depensahan sa dinakpan ang kasong pagsupak sa Republic Act 9165 sa oras nga masang-at na sa korte ang sumbong batok kaniya.
