CAGAYAN DE ORO CITY – Gikompirmar sa 4ID,Philippine Army nga nangayo sila’g aerial support gikan sa Philippine Air Force aron pagbungkag sa depensa sa mga rebeldeng New People’s Army nga gi-atake sa ilang tropa sa bukirang bahin sa Cabanglasan,Bukidnon sa milabay’ng Martes sa kadlawon.
Kini taliwala nga wala e-deklara sa Philippine Air Force ang tukmang direksyon nga nawala sa radar ang FA-50 fighter jet nga apil sa naghatag aerial support punting sa mga rebelde.
Miingon si 4ID spokepsperson Lt Col Francisco Garello Jr nga katuyuan sa aerial support sa mga eroplano nga mapadali ang pagsulod sa ilang tropa sa lokasyon ug defense position sa mga rebelde.
Sa pagkutlo ning balita, wala pa’y gilugwa nga resulta sa maong operasyon apan padayon ang pursuit operation sa militar batok sa mga rebelde sa lugar.
