(Update) CAGAYAN DE ORO CITY – Narekober nang patay ang duha ka piloto nga sakay sa nahagsa nga FA-50 fighter jet nga apil sa naghatag aerial support sa Philippine Army nga milusad sa pag-atake sa mga rebeldeng New People’s Army sa Bukidnon,Martes sa kadlawon.
Mismo si Eastern Mindanao Command AFP spokesperson Lt Col Salvacion Evangelista ang nagkompirmar niini nga kasayuran ning buntag lamang.
Miingon si Evangelista nga nakit-na ang eroplano mismo sa bukid sa Kalatungan,Brgy Mirayon,Talakag,Bukidnon.
Siya miingon nga pipila ka metros lang ang distansya sa patay’ng lawas sa mga piloto sa lokasyon sa nahagsa nga eroplano.
Tungod niini,gikasa ang retrieval operation aron makuha ang patay’ng lawas sa mga biktima ug ang tipaka sa nahagsa nga eroplanong iggugubat sa PAF.
Una niini,mitakdo ang sulti ni PAF spokesperson Col.Maria Consuelo Castillo nga nakagawas pa ang mga piloto sa eroplano subay sa nakaabot nga emit signals gamit ang personal locators beacons nga nakabutang sa ilang mga lawas.
