CAGAYAN DE ORO CITY – Gisaksihan sa libuang political supporters ang proclamation rally sa tandem nila ni City Mayor Rolando ‘Klarex’ Uy ug Cagayan de Oro 2nd District Cong. Rufus Rodriguez nga gihimo nila sa Rio de Oro Boulevard ning syudad karong gabii.
Nangulo si Klarex ug Rufus sa pagpaila sa ilang mga kalinya One Kagayan Kauban Ang Katawhan Coalition alang sa Mayo 12 nga piliay sa dakbayan.
Nanganti ang mayor nga ipalig-on pa ang mga batakang serbisyo nga nasugdan na’g tunol niini dili lang sa city hall apan bisan sa mga pagbisita sa kabarangayan sa dakbayan.
Ikaatbang ni Klarex ang iyang kanhi kaalyado sa politika sa dugay’ng panahon nga si kanhi City Mayor Oscar Moreno.
Magtigi usab sila si incumbent City Vice Mayor Jocelyn Rodriguez ug kanhi Konsehal Kag. Zaldy Ocon pagka-bise mayor sa dakbayan.
Samtang subli magka-engkuwentro sila Cagayan de Oro 1st District Cong. Lordan Suan ug Carmen Punong Brgy Kikang Uy sa premiero distrito sa syudad.
Halos daug na usab sa laing termino pagka-kongresista sa distrito dos si Cagayan de Oro 2nd District Cong. Rufus Rodriguez kay wala kini kontra sa piliay ning tuiga.
