CAGAYAN DE ORO CITY – Nakig-koordinar na ang Aboitiz InfraCapital o AIC alang sa pagtugyan kanila sa mga pasilidad,buildings ug luna sa yuta sulod sa Laguindingan International Airport sa lungsod sa Laguindingan,Misamis Oriental.
Kini sa tuyo nga mohaom sa ilang tinguha nga mapalambo ug mahimo nang modern na ang maong tugpahanan sa dili ang ilang opisyal nga pag-takeover sa hinapos nga bahin sa Abril ning tuiga.
Namahayag si AIC President ug Chief Executive Officer Cosette Canilao nga gusto nila ang hapsay nga transition process aron mas mapasayon usab ang ilang pagtrabaho sa maong airport ilabina sa aspeto sa imprastraktura ug mga serbisyo sa nagkadaghan nga demanda sa mga biyahidor ug mga negosyante.
Dugang niini nga tinguha sa AIC nga mahimong world-class gateway ang tugpahanan sa ingon mopapas ang economic activities ug koneksyon sa Mindanao.
Ang Laguindingan International Airport pinakaunang public-private partnership project nga nahatag via unsolicited bidding diin kabahin si Misamis Oriental District 2 Cong. Bambi Emano nga naghingusog aron uyunan ni Pres Bongbong Marcos nga mahatagan sa katumanan ning tuiga.
Hisayrang anaa sa 12.75 bilyones pesos ang pirmado nga kasabutan sa proyekto tali sa Department of Transportation ug Civil Aviation Authority of the Philippines aron trabahuon sa AIC ang pagpalambo ug pag-moderno diin 30 ka tuig nila nga dumalahon sugod Abril ning tuiga.
