CAGAYAN DE ORO CITY – Hingusgan sa 4ID,Philippine Army ang ilang massive information drive ngadto sa katawhan kabahin sa baruganan sa Pilipinas pag-abot sa isyu sa external security.Kini human nabantayan ni 4ID commanding general Major General Michelle Anayron Jr nga nabahin ang katawhan pag-abot sa isyu sa West Philippine Sea.
Miingon si Anayron nga angayang magbaton lang sa usa ka direksyon ang Pilipinas ug kini mao ang pag-depensa sa West Philippine Sea nga giilog sa China.
Kini labina nga adunay pipila ka grupo nga gikontra usab ang pagpanghilabot sa Amerika kabahin sa legal claim sa Pilipinas batok sa Tsina.
Hisayrang tipik sa pagpangandam sa Pilipinas ang pagpahimutang sa Enhanced Defense Cooperation Agreement o EDCA sites diin kabahin ang Cagayan de Oro nga nagbaton niini diha sa Brgy Lumbia.
