CAGAYAN DE ORO CITY -All set na ang Police Regional Office 10 sa paghatag seguridad sa publiko nga mopaubos sa pagbalaan sa mga mahal nga adlaw sunod semana.
Kini human nahan-ay na ang security implementation plan nga maoy basehan sa pagbantay sa lower units sa maong kalihukan.
Miingon si PRO 10 spokesperson Major Joann Navarro nga anaa ang ilang koordinasyon sa ubang mga ahensiya sa gobierno sa pagsiguro nga dili malutsan ang kahusay’g kalinaw sa rehiyon.
Siya miingon nga mohimo usab sa mga personal nga pagsusi ang kadagkuan sa PRO 10 sa tanang mga lugar diin dagsa ang katawhan.(PC)
