Nabaligya sa balor 7-milyon US dolyares o dul-an 400 milyon pesos ang labing unang basketball jersey ni anhing Kobe Bryant.
Gibutyag sa Sotheby’s Auction sa New York City, nga ang Los Angeles Lakers jersey maoy unang NBA Jersey nga gisul-ob ni Bryant sa iyang pre-season ug regular season.
Iya kining nagamit gikan sa October 16, 1996 pre-season, padulong sa Nobyembre 3 regular season debut, sa susamang tuig.
Kini ang ika-upat sa pinakamahal nga collection sa Sothebys Auction, kundiin, pabiling nag-una ang 24-M US Dolyares nga jersey ni baseball star Babe Ruth.
Misegunda niini ang $10.1 milyon – 1998 NBA Finals jersey ni Michael Jordan, ug ang ikatolo, mao ang gisul-ob nga uniporme ni soccer star Diego Maradona niadtong 1986 World Cup nga napalit sa balor $9.3-M.
