CAGAYAN DE ORO CITY – Gidiskorahe ni Vice Pres Sara Duterte ang mga botante nga ibaligya ang ilang mga boto ngadto mga kandidato nga kabahin sa nagpapili sa eleksyon sa Mayo 12 ning tuiga.
Kini sa tuyo nga kalikayan nga makabalik pa kadtong mga politiko nga naghupot sa daghang kabanay nga anaa sa nagkadaiyang katungdanan.
Gibutyag ni VP Sara nga makawala’g respeto sa matag-usa kung motugot ang botante nga paliton ang iyang pagkatawo sa usa ka kandidato.
Miingon si VP Sara nga kung mahimo nang transactional ang pag-serbisyo sa matag-politiko kay namalit sa mga boto,walay malauman ang katawhan apan kanunay’ng mga suliran nga dili mahatagan sa tinud-anay kasulbaran.
Gihimo sa bise-presidente ang pahayag nunot sa iyang pagduaw sa katiguman sa mga kandidatong lokal sa Brgy Macabalan ning syudad kagabii.
Hisayrang ang maong mga kandidato ang solid supporters ni kanhi Pres Rodrigo Duterte nga nagsuporta sa mga kandidato pagka-senador nga gipaluyuhan sa PDP-Laban.
