Sama sa gilauman, walay good news nga gihatag si President Bongbong Marcos sa tanan mamumuo nga nagselebrar sa Labor Day, kagahapon.
Inay hingusgan nga mapataas ang suhulan sa mga middle income earners, pag-rebyu, ug pagtuon ra taman ang mahimo ni Marcos isip tubag sa dugay nang hangyo sa mga trabahante sa gobyerno ug sa pribadong sektor.
Sa iyang labor day speech, gipamugos ni Marcos nga kinahanglan susihon pa sa regional tripartite wages and productivity board ang isyu sa pagpa-usbaw sa suhulan sa mga trabahante tali sa dagan sa ekonomiya sa nasud tali sa kapas sa sweldo nga mahimong ihatag sa mg employers sa pribadong sectors.
Dugtong niini, gipasigarbo ni Marcos ang employment programs sa gobyernp kundiin, 170,000 ka mamumuo ang nakakaplag sa trabaho pinaagi sa 4,000 job fairs nga gipahigayon gikan sa Hulyo 2022 hangtud Pebrero 2025.
