CAGAYAN DE ORO CITY – Siento-porsiento nang andam ang dili mo-ubos sa 10-mil ka personahe sa Commission on Elections kuyog ang deputy govt agencies sa ilusad nga piliay sa Misamis Oriental ug Cagayan de Oro City sa Mayo 12.
Kini ang garantiya ni Comelec-Misamis Oriental Provincial Election Supervisor Atty.Carlito Ravelo human nila nahupti ang kumpleto nga kagamitan sa piliay nga naglakop sa official ballots nga nahidangat sa miaging semana.
Gibutyag ni Ravelo nga anaa sa 5-mil ka magtutudlo ang magamit sa pagdumala sa eleksyon samtang 2-mil ka sundalo ug kapolisan ang mohatag sa seguridad sa kalungsuran ingon man mga syudad sa lalawigan.
Siya miingon nga gilauman ang sobra usa ka milyon ka botante nga mobotar sa mismong adlaw sa piliay sunod semana.
Hisayrang sa pagkutlo ning balita,walay bisan usa ka lugar pa sa syudad ug lalawigan nga adunay naghinobra ka init ang politika itandi sa pipila ka bahin sa Mindanao.
