CAGAYAN DE ORO CITY – Giwitkan ni Pres Bongbong Marcos ang daw ka inotil ni kanhi Pres Rodrio Duterte nga masulbad ang daghang suliran nga giatubang sa sector sa agrikultura sa nasud.
Kini human angkona ni Marcos nga sulod sa iyang administrasyon,anaa na sa 150 ka agriculture post harvest facilities ang natukod aron ipalig-on ang kinitaan sa mga mag-uuma.
Gitumbok usab sa pangulo ang iyang gisubhan nga intergrated coconut processing facility nga paningkamot sa kaniadto ni kanhi gobernador ug karong Misamis Oriental District 2 Cong. Bambi Emano ug First Community Cooperative o FICCO nga nahimutang sa Brgy San Isidro,Balingasag sa miaging duha ka semana.
Gihimo ni Marcos ang iyang pagbatikos kang Duterte atol sa subli niya pagpangulo nga ikampanyan ang iyang mga kandidato pagka-senador alang sa May 12 elections.
Hisayrang sa panahon ni Duterte,giyera kontra illegal nga droga ug katukuran sa dagkong mga imprastraktura ang gitutukan niini sulod sa iyang unom ka tuig nga paglingkod sa Malakanyang.
