CAGAYAN DE ORO CITY – Nakaisa ang Police Regional Office 10 sa taas nga alerto taliwala nga malinawon nga natibawas ang 2025 midterm elections sa lima ka probinsya sa Amihang Mindanao.
Kini human imando ni PNP chief Gen Rommel Marbil nga ikanaug na gikan sa full alert status ngadto sa heightened alert bisan nga ubay-ubay’ng casualties ang natala gikan sa nagkadaiyang bahin sa Pilipinas epekto sa election related violence.
Namahayag si PRO 10 spokesperson Major Joann Navarro nga katuyuan sa taas nga alerto kay hangtod pa sa Hunyo 11 mahupas ang election period.
Gawas niini,anaa usab sila sa pagsugod sa pagpangandam alang sa posibleng augmentation sa parliamentary elections sa BARMM ug piliay sa brgy ug kabatan-unan nga matigayon sa bulan Oktobre ug Disyembre ning tuiga.
Hisayrang sa milabay’ng Mayo 12 nga piliay,pagsinumbagay lang sa duha ka grupo sa political supporters ang natala sa PRO 10 gikan sa Lanao del Norte.
