CAGAYAN DE ORO CITY – Gi-depensa sa legal team ni Carmen Punong Brgy Kikang Uy kung nganong gihingusgan nila ang disqualification case batok sa kandidatura ni Cagayan de Oro 1st District Cong. Lordan Suan didto sa Comelec-Manila.
Miingon si Atty Al Geñoso nga isip officer of the court ang mga abogado,angayang dili kini magpasagad batok sa mga dayag nga pagsupak sa balaod kabahin sa eleksyon.
Gitumbok niini ang giingong garapalan nga ‘vote buying’ diin naglinya mga tawo sa mismong pinuy-anan sa kongresista sa wala pa ang adlaw sa eleksyon.
Siya miingon nga naghulat na lang sila nga ipatawag ang duha ka panig sa Comelec Manila aron masugdan ang pagdungog sa reklamo
Sa panagtigi nila ni Kikang,sobra 3-mil botos lang ang nahimong kadaugan ni Suan.
Hisayrang nakatilaw usab sa pagbatikos ang kampi ni KapKik kay giipit nila ang kongresista apan ang tinud-anay mas dagko pa ang hinatagan sa ilang vote buying ngadto sa mga supporter niini apan pabilin gihapon nga napildi.
