CAGAYAN DE ORO CITY – Angayang itudlo na lang sa usa ka mayor ang mga opisyal nga maoy modumala sa nagkadaiyang brgy palibot sa nasud.
Kini ang subli gipalanog nga pangindahay ni Atty. Antonio Soriano,kanhi bise-mayor sa syudad ug convenor sa CWGG 10 kabahin sa taliabot nga Brgy-SK elections sa Disyembre ning tuiga.
Miingon si Soriano nga mas matutukan sa usa ka mayor ang trabaho sa brgy officials kung iyang mga gitudlo ang ipangbutang sa nagkadaiyang posisyon sulod sa brgy govt.
Kini tungod kay bisan unsang orasa niya mahulipan kung ang pipila ka brgy officials ang wala mosunod sa mga programa ug serbisyo nga gusto ipatuman sa usa ka dakgayan.
Gihimo niya nga pananglitan ang gihimo kaniadto ni late City Mayor Atty Rueben Canoy dinhi sa syudad.
