CAGAYAN DE ORO CITY – Gisugdan na’g tuki sa incoming administration ni Misamis Oriental Govenor elect Juliette Uy ang mahimong pagsulod sa kapitolyo probinsyal sa Hunyo ning tuiga.
Kini human gipanguluhan ni DILG-Misamis Oriental Provincial Director Engr Marisia Naybe ang pagpanagtagbo sa duha ka transition teams gikan ni Provincial Gov. Peter Unabia ug Uy alang sa maong katuyuan sa Sangguniang Panlalawigan kagahpon sa hapon.
Miingon si Atty Angel Lim,legal counsel sa Uy transition team nga hapsay ang maong panagtagbo ug nahatagan sila sa pasiunang mga kasayuran kabahin sa kahimtang kapitolyo.
Siya miingo nga subli magtagbo ang duha ka grupo alang sa lawom nga panaghisgot-hisgot sa Hunyo 11 ning tuiga.
Hisayrang gikinahanglan ang panagtagbo sa duha ka teams sugo sa Local Government Code of the Philippines diin gipangamahan ni late former Senate President Atty. Aquilino ‘Nene’ Pimentel Jr nga dugong Misamisnon.
