CAGAYAN DE ORO CITY – Gi-kondisyon nang daan sa Cagayan de Oro City Police Office o COCPO ang mga kaugalingon sa ilang mga pulis alang sa laing mga posibleng pagpakatag kanila sa duha ka taliabot nga piliay sa rehiyon sa Mindanao.
Kini tungod kay dili imposible nga subli hulman sa Kampo Krame ang tropa sa COCPO aron mohatag sa seguridad sa bisan asa nga bahin sa Mindanao ilabina sa parliament elections sa katawhan sa Bangsamoro Autonomous Region o BAR sa Oktobre ning tuiga.
Gihimo ni COCPO City Director Col. Salvador Radam ang mensahe dungan sa iyang kinasingkasing pagpasalamat sa 43 ka pulis nga apil sa Police Regional Office 10 contingent nga gipadala sa Lanao del Sur isip mga miembro sa special electoral board o SEB sa milabay’ng Mayo 12 nga eleksyon.
Miingon si Radam nga nalipay kini nga kumpleto nakabalik ang tropa sa COCPO nga kabahin sa 400 ka pulis nga gipadala sa PRO 10 aron tabangan ang pagmintinar sa kahusay’g kalinaw sa Lanao Sur.
Siya miingon nga tungod sa maayong performance nga napakita sa PRO 10,dili imposible nga subli kuhaon sa Kampo Krame ang ilang mga serbisyo aron mahuptan ang malinawon nga dagan sa eleksyon sa BAR.
Gawas sa BARMM parliament elections, gi-preparahan usab sa COCPO ang lain pang mas init nga bugnong lugaynon tali sa mga kandidato sa barangay ug kabatan-unan sa Disyembre ning tuiga.
Dumduman nga 400 ka pulis gikan sa rehiyon,19 niini gikan sa Bukidnon,46 sa Iligan City,18 sa Lanao del Norte,tag-20 gikan sa Misamis Oriental ingon man Misamis Occidental,135 sa PRO 10’s headquarters ug 99 usab gikan sa Regional Mobile Force Batallion 10.
Hisayrang nahatag sa maong mga pulis ang gipangayo nga augmentation force sa tibuok Lanao Sur ug kumpleto usab sila nakabalik sa Kampo Alagar ayha tagsa-tagsa nga nanguli sa ilang yunit palibot sa rehiyon.
